Wo Tha Ajeeb Qissa TaQRaaR Karty Karty

Wo Tha Ajeeb Qissa TaQRaaR Karty Karty
Iqraar Kar Gaya Wo Inkaar Karty Karty

Is Piyar Ki Haqiqat Ab Tak Khuli Na Mujh Par
Sab Kuch Ganwa Diya Hai Ye Pyar Karty Karty

Rasty Se Laot Jana Mumkin Nahi Hai Mera
Marna Hai Saath Manzil Ko Paar Karty Karty

Qurbat Men Jo Mila Hai Furqat Men Kho Gaya Hai
Weeraan Ho Gaya Hun Baazaar Karty Karty

Mosam Raqeeb Ban Kar Karwat Badal Raha Hai
Gul Khaar Ban Rahy Hain Mahekaar Karty Karty

Qismat Ki Muflsi Ka Kirdaar Ban Gaya Hun
Ab Thak Chuka Hun Main Ye Kirdaar Karty Karty

Jab Bhi Hoa Adhoora Har Kaam Hi Hua Hai
Har Kaar Rahy Gaya Hai Har Baar Karty Karty

Hai Khushnasibi Meri Wo MeeR Samny Hai
Dam Yun Nikal Hi Jaaey Deedaar Karty Karty